Bergsøy leverte ein sterk kamp mot serieleiar NTHI, men måtte til slutt sjå seg slått 29–23 i Herøyhallen. Heimelaget viste stor innsats og heldt følgje med det sterke Trondheim-laget gjennom heile første omgang. Laga gjekk til pause på 13–13. Bergsøy heldt fram den gode innsatsen etter kvilen, men utover i andre omgang tok NTHI gradvis over. Midtvegs hadde gjestane opparbeidd seg ei femmålsleiing, og Bergsøy klarte aldri å hente dei inn igjen. Trass i tapet fekk heile laget ros for innsatsen, og særleg dei unge spelarane vart trekte fram for framgangen dei hadde vist. Jan Erik Myrseth vart Bergsøy sin toppscorar med 6 mål, tett følgd av Håvard Notøy med 5. Kristian Berge og Antoni Danielsen scora 3 kvar, Tor Christian Holmesland og André Dyvvik 2 kvar, medan Steffen Voldsund og Stian Yndestad scora eitt mål kvar.