Stor-tap for BIL sitt herrelag

Dei heilt store superlativa må leggjast tilside når ein skal fortelje frå kampen Bergsøy – Brattvåg i herreserien som vart spela i Ulsteinhallen laurdag. Sluttresultatet vart heile 36–10, etter 19–6 ved pause.

I byrjinga såg det ut til at Bergsøy ville klare å halde følgje med Brattvåg. Dei hadde leiinga fram til 3–1, men dermed var det også slutt. Lite konsentrert spel og sleivete pasningar prega Bergsøy sitt angrep frå no av, medan det i forsvar meir gav preg av ein kamp i fribryting enn handball. Vi vonar at kampen mot Brattvåg ikkje er representativ for kva Bergsøy sitt herrelag sit inne med av handballprestasjonar.

Målscorarar for Bergsøy: Olav Kvalsvik 5, Nils Djupvik 2, Per Frøystad 2, Ove Vinge 1.