Bergsøy – Gloppen 27–25 (15–13) Etter fem strake tap kunne Bergsøy endeleg juble for siger igjen då Gloppen vart slått 27–25 i Herøyhallen. Heimelaget tok tidleg initiativet og leia 12–0, før Gloppen kjempa seg tilbake. Bergsøy heldt likevel på overtaket og gjekk til pause med 15–13. Gloppen opna andre omgang best og gjekk opp i 3–0, men Bergsøy fann raskt tilbake til spelet sitt. Med godt taktisk spel heldt heimelaget stort sett Gloppen bak seg, sjølv om gjestane fleire gonger kom tilbake og utlikna. Tre minutt før slutt leia Bergsøy med to mål, og sjølv om laget ikkje scora meir, heldt dei unna og sikra ein etterlengta 27–25-siger. Bergsøy vann utan Gard Berge og André Dyvvik. Jan Erik Myrseth vart toppscorar med 9 mål, medan Håvard Notøy scora 7, Roald Johansen 4, Tor Christian Holmesland 3, Kristian Berge 2 og Stian Yndestad og Alf Sigmund Hjelmeseth eitt kvar.